കൊച്ചി: സുവിശേഷത്തിന്റെ ലളിതവ്യാഖ്യാനങ്ങൾ സാധാരണ മനുഷ്യരെ ബൈബിളുമായി കൂടുതൽ അടുപ്പിക്കുമെന്ന് സീറോമലബാർ സഭാ മേജർ ആർച്ച്ബിഷപ് മാർ റാഫേൽ തട്ടിൽ.
മോൺ. സെബാസ്റ്റ്യൻ വടക്കുംപാടൻ രചിച്ച ‘വിശുദ്ധ യോഹന്നാന്റെ സുവിശേഷത്തിന് ഒരു വ്യാഖ്യാനം’ എന്ന പുസ്തകം പിഒസിയിൽ പ്രകാശനം ചെയ്തു പ്രസംഗിക്കുകയായിരുന്നു അദ്ദേഹം.
മംഗലപ്പുഴ സെമിനാരിയിലെ ബൈബിൾ പ്രഫസർ ഫാ. ഡോ. ജോമോൻ നാൽപ്പതിൽച്ചിറ പുസ്തകം ഏറ്റുവാങ്ങി. പിഒസി ഡയറക്ടർ ഫാ. തോമസ് തറയിൽ, അങ്കമാലി ലിറ്റിൽ ഫ്ലവർ ആശുപത്രി ഡയറക്ടർ ഫാ. ഡോ. ജേക്കബ് ജി. പാലയ്ക്കാപ്പിള്ളി എന്നിവർ പ്രസംഗിച്ചു.